أنشئ متجرك
ما عندك منتج؟ تعرّف على منّا ومِنك ←

منّا ومِنك خطوة بخطوة

منّا ومِنك صارت متاحة لكل المتاجر في رقمي. فكرتها بسيطة: المتاجر تساعد بعض توصل لناس أكثر. عندك طريقين، اختر اللي يناسبك.

إذا عندك منتجات

خلّ متاجر ثانية تعرض منتجاتك لجمهورها، وأنت تحدد عمولتهم.

  1. من لوحة متجرك، افتح المنتجات.
  2. على المنتج اللي تبيه، اختر منّا ومِنك.
  3. في نافذة اعرض منتجك في منّا ومِنك، حدّد العمولة: نسبة، أو مبلغ ثابت بالريال، واحفظ.

بعدها يظهر منتجك للمتاجر الثانية في مكتبة المنتجات. وتقدر توقف إتاحته متى ما بغيت. منّا ومِنك متاحة للمنتجات الرقمية اللي تنحمّل.

إذا تبي منتجات أكثر في متجرك

  1. من صفحة المنتجات، اضغط أضف منتج من المكتبة.
  2. تصفّح مكتبة المنتجات واختر اللي يناسب جمهورك.
  3. أضفه، ويطلع في متجرك مثل منتجاتك.

ولك عمولة على كل بيعة منه.

وين تتابع؟

من التسويق في لوحة متجرك، افتح مبيعات منّا ومِنك.

قبل ما تختار منتج تعرضه

خذ دقيقة: هل يناسب جمهورك؟ هل هو واضح، وش فيه ولمين؟ وهل تقدر تتكلم عنه بثقة؟ التفاصيل في دليل اختيار منتج في منّا ومِنك.

خطوتك التالية

ادخل متجرك وافتح منّا ومِنك. ما نوعدك بمبيعات، بس نفتح لك باب يوصل فيه منتجك لمتاجر أكثر.

العمولة وطريقة احتسابها ومتى تصير متاحة كلها في لوحة متجرك وفي الأحكام والشروط.